唔知大家如果諗緊野嘅時間，閉上眼會睇到咩景象呢？
我近來意識到一個好奇怪的情況，如果我處於一個mind racing的情況，而且好似仲未有結論或者未有決定的時候，我閉上眼係會見到好多報紙標題。呢啲標題會係我諗緊果一件事，或者果一堆事情黎。
見到的景象就好似啲七仔的情況咁，喺你面前迫爆，但係你總係睇唔清邊個打邊個﹗
奇怪在我係睇唔到啲內文，不過仔細睇唔到個標題寫乜，只係好似一個個黑白的印好迫爆咁出現喺我思緒入面個view度。果d字體真係好迫爆，會覺得啲字大隻到同隔離個標題爭位咁。通常會出現走入思緒畫面的時候係會喺沖涼洗頭果陣，我都唔知點解我係會咁，我只會出現文字或者圖案(文字居多)，好少會出現related person 的面孔。
唔知呢啲係咪叫做潛意識呢？
當我一睇到我有呢啲畫面出現，我就知道現實生活有幾樣野係未諗通，或者未處理，最慘係呢幾樣野都係影響緊現在的well being。我試過好幾次想捉住呢啲標題黎睇清楚到底寫啲咩，但係總係比隔離果幾個標題搶左視線，結果咩都睇唔到。
尋日我沖涼又見到嘢啦，我都唔知點好，係咪應該正視下啲問題呢？
沒有留言:
張貼留言