碎蛋沙律三文治

因為媽媽整鹵蛋，一次過烚左好多蛋呀﹗

我偷偷地偷左3隻，然後整左呢個碎蛋沙律。

佢話佢light，都唔light 得去邊架啦﹗

唔記得烘呀﹗原本想用2塊包包，但係一陣仲要食野，都係一塊好了﹗

材料：

烚蛋         3隻
沙律醬     1湯匙
鹽             1/4茶匙
胡椒粉     適當

先將雞蛋3隻烚10分鐘，凍左之後除殼。
雞蛋切開一半，拎個蛋黃出黎，同沙律醬、調味混合。
蛋白切細粒，同蛋黃混合物混合埋，雪凍。

方包準備一塊，烘底更好。
塗上包包，ok﹗

訴心聲：其實我喜歡食吞拿魚多d，但係吞拿魚冇咁健康。另外唔知點解而家d 蛋個蛋黃好似越來越大咁。。。好可怕。