密密為你餸系列 - 釀尖椒‧釀茄子

呢支釀尖椒同釀茄子係特別為左想要一個warm and sweet evening 而準備。

今日好好彩見到d細隻o既尖椒，$6有2包，都有廿幾隻架﹗
本來想要d大隻d o既尖椒，因為厚肉d，夾起魚肉上黎平衡d，唔洗多肉少菜。但係因為要配合個飯盒o既size，都係細隻方便d。

個賣相no good，但係食得開心和感情搭夠就可以了﹗

材料：
尖椒        5隻
茄子        1條 (粗身)
魚肉        10蚊

先將茄子切厚片，約半吋厚，放於盤上晒鹽，待10分鐘。
呢個步驟好重要，因為加左鹽可以排出茄子部分吸油的element，咁煎起上黎唔會勁吸油。10分鐘後清洗茄子，印乾水份。

尖椒開邊去籽，小心燙到手。雖然話尖椒唔辣，但係唔排除有隻會勁辣，我就係一不小心，辣左成晚，所以，去籽要用較剪。

魚肉釀入尖椒及茄子內，唔好貪心，夠就得。如果整到太豐滿會好難煎得熟。煎之前在魚肉面上拍上粟粉，咁樣粒魚肉就唔會偷走出黎。

細火煎，先煎魚肉果面，可以輕輕按下佢。
如果沉得住氣可以將佢完全煎熟，但係我好趕，所以煎到8成就加水、豉油、魚露、糖煮一煮佢。因為我魚肉面頭拍左粟粉，我煮o既時候佢順便變埋獻汁，攪掂。

分左2盒，一盒送比sic當lunch、一盒密密送去比bubu 做晚餐。
sic話同佢想像乾煎有差別，但係bubu話有9分，好開心啊﹗
我自己就喜歡食茄子，因為厚切又唔油，覺得好rich又唔heavy，好味﹗