密密為你餸系列 - 叉燒火腿煎蛋 配 咸蛋

這個是和椰菜雞柳同一天的作品

我自以為我整o既茶記火腿奄列係非常美味，後來我煮呢個o既時候，才知道，我呢個係叉燒火腿煎蛋，而唔係炒蛋。

原來我係唔識炒蛋架，成日都整到成個蛋餅咁。

材料：

叉燒               6片
方型火腿       2塊
蛋                   3-4隻
蔥                   1 株

蛋要發均，加入鹽糖調味；
火腿要爆一爆先，因火腿入面d油份迫左出黎之後可以令d蛋蛋更香更濃；
叉燒落獲輕炒，加入已調味之蛋汁同蔥粒慢火用筷子慢慢輕拌，等d蛋蛋慢慢凝結；
凝結到一半以上可加大火力，雙面煎至你想要o既生熟程度。

訴心聲：因為叉燒切得好大塊呀我，同埋叉燒炒蛋同火腿奄列個質感係唔同，所以做左出黎叉燒同蛋有d 唔夾。下次適宜分開兩味。

另外整呢個蛋蛋係好好味架，因為慢火用筷子慢慢攪拌d蛋至凝固，做出黎d蛋蛋會有一層層鬆軟o既感覺，有d 似m記精選早餐果d 蛋咁，不過係真蛋同更實在o既感覺，配埋火腿係一流o既good morning 食品。

仲有隻咸蛋係因為我知呢個煎蛋有失誤，怕bubu唔喜歡食，所以加料送飯。