第三位出嫁的同學

剛剛過去的星期日，我班中入面果個第三位出嫁的同學終於出嫁。

我並無去觀禮或飲宴，可能真係心態唔同左，覺得未輪到自己嫁，都係唔識鄧人高興。

實在真係唔識得高興，我都唔明白點解，尤其是見到大家好似做SHOW咁樣結婚，覺得好無謂。不過的確有D 情節就係每樣每樣加啲咁加到變成大龍鳳。

我睇相見到同學仔換衫都換幾次，我就覺得似歌舞表演。我經常幻想如果WEDDING PARTY可以真係同一班真係的好朋友或者真係CLOSE 的親友一起慶祝，有時間傾傾講講，好似仲開心過做SHOW。

而家時代的婚禮，大家基本上想同新人影相合照都冇份，因為佢地個RUNDOWN係好密，先同親友大合照，然後同邊間小學中學大學同學，第一間第二間第三間公司同事。影見一輪又要播片，又要食野，又再換衫，敬酒，攪完一輪，參加飲宴O既人連同新人講句恭喜晒O既機會都冇。

最攪笑係，對新人到最後可能都唔知到底邊個有黎邊個無黎，要靠D 禮黎認返。