廣州大吃大喝美食之旅 Day 4

 

Day 4
今日事工：婚紗街 + 第一面

話說我地昨日的婚紗街環節o係我地返到酒店賽後檢討後，發現今日要再去多次處理：
1. bu買的3件反工恤衫中碼太細，要換大
2. 件男禮的手巾昨日冇拎到
3. 我忘記左叫老闆娘幫我改心型胸
4. 想買盒大金囍利是封

5. 上頭對聯紙杯順便都買埋吧

我地9點幾出發，拎埋行李，然後分頭行事。
結果我地拎住d行李由芳村出發，去到地鐵站，bu 就去外賣燉奶同腸粉，而我拎晒所有行李去市二宮站等bu帶外賣黎。沿途我一直以為係無障礙通道，點知去到轉線果陣，shxt，長樓梯﹗我一個人背住個75L背包、24吋的行李箱、仲有呢幾日買左又不可皺的賀年福字、同埋BU D 禮服同恤衫。我諗，到底我要點至轉到線？
結果我等所有人行晒，我至慢慢凳下凳下咁落樓梯，又比我得左﹗
去到市二宮站，我又點可以放過「好百年」。雖然晨早冇乜店開門，但係只係睇櫥窗就發現，「好百年」尤如一間「金都」，而且婚紗的質素較高，以「閃」、「拱」、「誇」為主，比較適合公主STYLE、或者一D會攪好豪華婚宴的人。另外仲有賣婚慶物品的店都比匯美貴同HIGH CLASS~

銀記腸粉
$8   牛肉腸粉 牛肉都係鮮夾入去蒸，好味
$7.5 叉燒腸粉 厚、大件夾抵食






ENCORE 百花甜品店
鳳凰奶糊 $8
好似軟化版的燉奶

紅豆雙皮奶 $7.5
好味呀﹗



等到bu到左，我地立即食左外賣又開始處理以上5件事了。

又好趕咁帶埋大包小包，2個人4隻手都拎住野，仲有一人一個背包。完成晒婚紗街的部分，都仲係唔想走，不過算啦，得些好意須回首。要理智消費呀﹗

BU話旅遊書入面有介紹一間叫第一面的店食雲吞麵，我記得昨日食快餐對面就有果間店，所以今日去食。
佢地馳名的竹昇麵同埋蟹籽雲吞，一人一碗大o既。
都幾好味呀d麵，真係彈牙到好似橡筋咁。
至於雲吞，加左蟹籽就變左燒賣啦﹗佢應該叫首創恰燒賣，唔係首創蟹籽雲吞﹗不過都好好味﹗

食完野再去買左一個相架，終於有店知道咩係8R，$30蚊釘埋個掛鈎，不錯﹗之後就拿拿臨去廣州賓館上2:30的車。

廣州好塞車，漫長的車程到7點幾至返到黎﹗

一堆行李，完結呢個忙碌又輕鬆的旅程。