銅鑼灣‧香港茶餐廳

自從有左團購之後，我同BU出去食野的機會多左。
趁住除夕，我地去左銅鑼灣的香港茶餐廳食晚飯。
今次我地用左$78二人餐的團購，叫左2款小菜。

係影得衰，但味道很好。
咕嚕肉 ($51)
咕嚕肉切人厚肉片，炸到酥脆，個汁的酸甜味同稠度剛剛好，不像平時食到杰patpat的。所以雖然係炸，但係感覺都好開胃不油膩。

 

黃金魷魚 ($53)

黃金蝦就食得多，黃金魷魚就第一次。都幾香口，魷魚都幾爽，唔難咬，味道唔夠濃，我地自己加左淮鹽。

不過咁樣大啖大啖膽固醇食落肚，有些少罪過
﹗

成個餐仲埋粟米湯、飯同野飲，團購價$78，好抵呀﹗

呢間都幾好味，地方都大，價錢同大排檔差不多，咁環境當然好好多啦。唯一係要上三樓，而且附近做裝修，d樓梯好多灰塵。

結論今次團購成功