新年又到了﹗
懶惰的一月又過了，連農曆新年都到啦﹗
兔年有好多野想達成，但係都唔知道應該努力o係邊好。
雖然師父話我一生人都會平穩，不論婚姻、事業、健康都係好平穩，唔會有咩大起跌，不過都唔可以就咁hea 落去。
師父話我呢一年都係唔會轉工架啦，不過因為今年又應該冇人工加，我真係頂唔順啦，個個朋友仔都加左幾次得我仲係原地踏步，加上付出同回報都唔成正比，我真係唔想再比佢刻薄啦，我都係人黎架﹗所以今年應該快快手手清理d 過期文件，整反好d file，等時機一到就byebye﹗
至於婚姻，同bubu仲係未傾掂數。有時都覺得到底我係一個咩人，點解我唔值得另一個有心思悉心有誠意咁同我求婚，同我計劃將來。以前準備開始o既時候，bubu話曖昧左一段時間，都好似未有衝動同我o係埋一齊，然後好多野都好順其自然好順心咁發生。到我忍無可忍o既時候迫佢，佢至決定將我正名。過左n 年到而家，我自問已經係適合結婚o既時候，仍然都係冇表示，要人問要人迫先至諗。而家傾極都唔掂，令我一步一步咁自己放棄結婚。其實，我值得咁樣對待嗎？﹗所以今年應該好好同bubu傾清楚，到底大家期望係咩，真係不可以再浪費時間﹗o係呢件事上面，流o既眼淚太多啦，要儘快了結﹗
有關健康，又係認真o既一環，去到呢個年紀真係開始要注意下。第一當然要控制體重，太肥太肥太肥啦，個bmi超晒標，唔靚係其次，最重要係行路都覺得有d 辛苦，注意﹗另外就係隻腳，ot話我長短腳，我諗要照下睇下係條腰有事定係隻腳有事。而家提起腳係有d唔平均，當然肥左更加明顯見到提起腳係有差別，要立定心去做呀﹗仲有就係頭後面o既增生組織。上個星期醫生話要去醫院化驗，唉，佢話通常都良性o既，不過唔驗就唔知，驗左就安心d。好擔心呀，唔敢講比人知，都係過左年睇醫生先再算。
兔年真係有多野要做，而且寫左出黎覺得自己好似好陰功咁。不過如果師父睇相係準確的話，其實我呢d只不過係人生之中好小好小好小o既一些事情，比起其他人其實已經幸福好多。所以新一年大家都要努力活著，我都要努力活著，加油﹗正能量長存﹗
沒有留言:
張貼留言