第一個情人節的晚餐。吉之家

今年係人生第一次慶祝情人節。。。亦係我已變成mrs tong 的第一次情人節慶祝活動。
本來我地都係一如以往各自回家，不過陰差陽錯下大家原本準時但變左遲收工，然後夜左所以就決定出去食。

呵﹗原本我打算食下花枝丸當慶祝，點知bu 話去筲箕灣晚餐。
左選右選，最後都係決定食「我細細個就識得佢」o既吉之家。

黑椒牛柳定食 $42

滑蛋豬扒飯 $34


咖喱豬扒飯 $34


充滿回憶o既滑蛋豬扒飯同咖喱豬扒飯啊﹗中學果時成日去都食架，已經好多年冇黎食啦﹗除左價錢唔同左，其他野都一樣呀﹗

待應唔小心上錯左做定食比我地，一於少理，照食﹗
不過我以為今晚冇著落，所以放工果時食左個饅頭，攪到飽左1/3，見到bu佢仲將我送比佢d朱古力同返我分享，又吃。
但係去到吉之家個menu樣樣都想食，最後點左2個飯仲加左個咖喱豬扒，飽到我地連糖水都冇食就回家lu。

同場加映粉紅桔梗1支
祝mr and mrs tong 情人節快樂﹗