廣州大吃大喝美食之旅 Day 3

 

Day 3
今日事工：萬菱廣場、婚紗街

起身都忘記左做左乜了，只知道今日要去買結婚的用品。
食左昨日買o既蝴蝶酥、花生同橙汁，然後出發了﹗

先去萬菱廣場，行左成個小時，真係完完全全不知為什麼。入面都係一d歐陸風情的燈飾、擺設，或者係大批批發精品文具，例如係風扇仔、電話套之類一d 唔等洗的東西。有關結婚用問只係ground floor有些少。途中都見到有數問賣相架，點知講極佢地都唔知8R係咩SIZE，吹脹﹗

午餐HEA食左一個蒸飯，我呢張相係反映左店入面的實際環境呢﹗側邊仲有大量平民一起食快餐 (即係我地的2餸飯)。
很好的體驗，原來廣州人平常就係食呢簡餐﹗

 

在市二宮站外見到有豆腐花同臭豆腐，都係我地喜歡的食物，食呀﹗
豆腐花 $2
滑滑呀，不過佢地用白糖不是用黃糖的。



臭豆腐 $2
炸得幾脆，不過長沙臭豆腐要多湯至好食，如果再吸多D湯就好啦﹗

因為買禮服要試又要改，我地一攪就攪左一個下午。

揀左D 咩就要睇下婚紗禮服新人篇。

 

因為BU 都有心水男禮，所以試左幾件之後就決定了。不過有幾個地方都要修改一下，所以攪掂晒就放低比佢改。而我就返去老闆娘度訂裙。

完成晒所有野已經七點，啲店都收工啦﹗

認唔住再去埋對面街睇下其他婚慶廣場，好多都已收工啦，冇得睇LU﹗

餓了，再食一底雞蛋仔，唔好食呀﹗算﹗

 

回到芳村再去左村口間太咩清平雞，今次食左

$28 四季豆炒豬頸肉
好入味的餸﹗不過豬頸肉同四季豆可以混埋一起炒多陣會更好﹗

$28 椒鹽魷魚
慘呀﹗唔係DAY 1果個師父煮的，D魷魚未吸乾水就炸，椒鹽味都冇乜，仲有油呀﹗

$18 豉油皇炒麵
唔洗講，真係好認真的豉油皇炒麵

 

今次真係飽飽飽啦，之後又回酒店。

一次過拎晒D戰利品出黎又試又除，仲有執拾行裝。

好開心呀﹗最後梳洗完有得訓已是12點幾1點了﹗

 

 

 

 

 

 

 

 

廣州大吃大喝美食之旅 Day 2

Day 2
今日事工：配眼鏡、遊覽北京路、萬菱廣場一帶、福臨門豆撈火鍋

訓到都唔知時候，甚至忘記左自己o係廣州，忘記左側邊有人訓響度。
訓醒之後先去7-11食了一隻茶葉蛋，然後就去 路附近配眼境，又係qq團購的杰作，$79的眼鏡。佢果間野好似香港一d直銷眼鏡店咁，係有好多鏡框，不過是cheapcheap的，而且bu面型特別d，結果搵唔到適合的款，唯有放棄啦﹗不過在地鐵附近見到樂購(係超市黎啊﹗)，所以又立即入去樂購一下。

結果我地買左2支優比特o既芝麻沙律醬、仲有3包小肥羊火鍋湯底、仲有蕃石榴、1件pizza、1件雞肶同埋一個bra。
暢快呀﹗我地o係樂購門外就已經要食左件pizza同雞肶啦﹗好味呀﹗好入味呀﹗

然後又因為時間不夠，6點前要回去芳村吃福臨門豆撈，去唔切婚紗街了，所以就去北京路走走。
呢d都係我地去緊北京路途中食的東西，仲有一餐m記在中間的﹗

街邊雞蛋仔 $2 半底  
相信係廣州最好味的雞蛋仔，外脆內軟



街邊的正宗香港碗仔翅 $3


百花甜品店
其實都已經飽頂架啦，不過難得經過冇可能唔食呢間人人都讚好的店。入面一共有4百幾5百款糖水，你想點配搭都可以。


$5.5 芝麻糊配花生湯丸  滑、香、濃
$7.5 紅豆雙皮奶  encore之選，真係好滑嘟嘟





漫步北京路，bubu o係老爺車買左2條件仔褲，而我就乜都冇買，只係在街邊見到我想要的貓咪利是封，好想買，但係個店主呢？唔知去左邊﹗
然後輕輕的在萬菱廣場附近的批發場睇下賀年物品同埋結婚要用的東西，先格價一下。呢個批發場真係比起婚紗街平些少呀，不過就冇乜價講。咩都冇買，講明格價，然後我地又興奮地去福臨門豆撈吃火鍋﹗

 

 

實在浪費了我的quota﹗因為基本上沒咩特別﹗
牛肉片、羊肉片和其他一切任食，不過冇我喜歡吃的白色魚旦。結果我食左好多金菇、拍黃瓜、魚旦、菜等等。
最開心係有豬腳姜蛋，之前在第十浦路已經好想食架啦﹗食隻蛋蛋先﹗

把衰口話唔好食，最後都係飽都行唔郁。返到酒店要休息一陣至沖涼，順便update下明天購物的check list。

廣州大吃大喝美食之旅 DAY 1

DAY 1
今日事工：去廣州!

7點40分的車，追到我連早餐都冇食。
訓完又醒再訓再醒，中午到左廣州，我地已經餓到反轉，立即去左芳村搵我地的酒店。
呵呵呵，係我喜歡的style，仲有窗台，好like 呀﹗不過，我地打開門入去，發現，廁所呢？
唔係冇廁所呀？
原來比度房門遮左。。。但係下一句問，咁廁所度門呢？
唔好意思，冇門﹗

其實張床好大，大到我地感覺唔到對方存在o係度﹗
真係好like 個窗台呀﹗like like like
陽光呀﹗照入屋度，幾美好


餓到乜咁，經過呢間牛雜店，先食左$3 腩汁腸粉 同 $6 腩汁蘿白麵筋
腩汁好味，有味精，麵筋太硬、蘿白太老，買手的問題呢﹗腸粉good good。


然後我地就去左第十浦路度搵食﹗
好興奮，廣州果然是廣州，真係好多野食﹗
沿途食左西關小蛋糕、牛雜、芝麻糊等等，不過部分食得太急，都忘記影相﹗





特別推介街市。真係好多野賣呀﹗白蘿白1蚊斤，好多菜都好新鮮呀﹗i like 街市呀﹗

o係街市入面我地仲誤打誤撞去左大眾點評入面被網民推介的一間糖水店，旅遊書冇介紹架﹗
本來想叫2款糖水，點知一睇，嘩，成碗餐蛋麵咁大碗喎，所以都係同bu share食一個芝麻糊。



之後又不小心搵到順德陳添記，吃左$7 艇仔粥同$3 腸粉。艇仔粥超讚﹗d魚片好多、粥料多、粥底綿





然後行到夜晚，買左1個羅漢果$1.2 同埋一d沙糖桔同番石榴 $3。沿途都有好多野買架，我好情迷的legging $10有交易，仲係勁厚果d。仲有好多時裝啦、用品啦、食物啦，乜都有。最開心係年幾2年之前果度開pizza hut，我地比人拉左去做試業試食的guest，好開心呀，間野最後開得成之餘到而家仲響度﹗老實講，真係唔好食呀﹗

回程啦﹗攰啦﹗途中經過一間理髮店，bu順便cut了hair，我就坐o係度玩mini games 同食桔。回到芳村，去左今日到埗果時經過村口一間餐廳，好多人幫襯，仲有豉油王炒麵，所以晚餐決定揀佢﹗

lai左野，唔知呢間野係貴的，見佢咁簡單的裝修，以為普通料，點知行多2步見到老板同taotao的合照，餐牌仲係異常華麗。
好在我唔挑食，選左bu 喜歡的食物。

鹵水金錢肚 $28
大陸好少食到金錢肚，比香港食開的口味偏淡，但係豆腐好滑，冇得輸

三絲炒米 $18
香港人開的店真係唔同啲，起碼炒米粉入面係有大條的肉絲﹗平時大陸果d 炒米粉的火腿絲幼如頭髮。
呢個廚師真係高手的，炒完的米粉係唔油，食完個碟底係冇乜油架，味道又好又唔乾﹗讚

椒鹽魷魚 $28
又令bubu開心到喊，因為呢個係我地大陸遊當中，每次必叫的食物。不過每次都食唔到我地想要的椒鹽味，可能會係風沙味、可能係辣味、可能冇乜味。
今次終於食到面頭真係有椒鹽，入面又椒鹽的椒鹽魷魚，重點係，炸野碟下都係冇乜油。


食完我都係2/3飽咋，但係BU已經飽飽啦﹗返到酒店我拎左個羅漢果黎煲，嘩，全間房都係羅漢果味﹗

好甜呀﹗好甜呀﹗又熱又甜，乾杯﹗
攰嚕﹗晚安﹗

 

 

 

 

 

 

廣州大吃大喝美食之旅 DAY 1

DAY 1
今日事工：去廣州!

7點40分的車，追到我連早餐都冇食。
訓完又醒再訓再醒，中午到左廣州，我地已經餓到反轉，立即去左芳村搵我地的酒店。
呵呵呵，係我喜歡的style，仲有窗台，好like 呀﹗不過，我地打開門入去，發現，廁所呢？
唔係冇廁所呀？
原來比度房門遮左。。。但係下一句問，咁廁所度門呢？
唔好意思，冇門﹗

其實張床好大，大到我地感覺唔到對方存在o係度﹗
真係好like 個窗台呀﹗like like like
陽光呀﹗照入屋度，幾美好


餓到乜咁，經過呢間牛雜店，先食左$3 腩汁腸粉 同 $6 腩汁蘿白麵筋
腩汁好味，有味精，麵筋太硬、蘿白太老，買手的問題呢﹗腸粉good good。


然後我地就去左第十浦路度搵食﹗
好興奮，廣州果然是廣州，真係好多野食﹗
沿途食左西關小蛋糕、牛雜、芝麻糊等等，不過部分食得太急，都忘記影相﹗





特別推介街市。真係好多野賣呀﹗白蘿白1蚊斤，好多菜都好新鮮呀﹗i like 街市呀﹗

o係街市入面我地仲誤打誤撞去左大眾點評入面被網民推介的一間糖水店，旅遊書冇介紹架﹗
本來想叫2款糖水，點知一睇，嘩，成碗餐蛋麵咁大碗喎，所以都係同bu share食一個芝麻糊。



之後又不小心搵到順德陳添記，吃左$7 艇仔粥同$3 腸粉。艇仔粥超讚﹗d魚片好多、粥料多、粥底綿





然後行到夜晚，買左1個羅漢果$1.2 同埋一d沙糖桔同番石榴 $3。沿途都有好多野買架，我好情迷的legging $10有交易，仲係勁厚果d。仲有好多時裝啦、用品啦、食物啦，乜都有。最開心係年幾2年之前果度開pizza hut，我地比人拉左去做試業試食的guest，好開心呀，間野最後開得成之餘到而家仲響度﹗老實講，真係唔好食呀﹗

回程啦﹗攰啦﹗途中經過一間理髮店，bu順便cut了hair，我就坐o係度玩mini games 同食桔。回到芳村，去左今日到埗果時經過村口一間餐廳，好多人幫襯，仲有豉油王炒麵，所以晚餐決定揀佢﹗

lai左野，唔知呢間野係貴的，見佢咁簡單的裝修，以為普通料，點知行多2步見到老板同taotao的合照，餐牌仲係異常華麗。
好在我唔挑食，選左bu 喜歡的食物。

鹵水金錢肚 $28
大陸好少食到金錢肚，比香港食開的口味偏淡，但係豆腐好滑，冇得輸

三絲炒米 $18
香港人開的店真係唔同啲，起碼炒米粉入面係有大條的肉絲﹗平時大陸果d 炒米粉的火腿絲幼如頭髮。
呢個廚師真係高手的，炒完的米粉係唔油，食完個碟底係冇乜油架，味道又好又唔乾﹗讚

椒鹽魷魚 $28
又令bubu開心到喊，因為呢個係我地大陸遊當中，每次必叫的食物。不過每次都食唔到我地想要的椒鹽味，可能會係風沙味、可能係辣味、可能冇乜味。
今次終於食到面頭真係有椒鹽，入面又椒鹽的椒鹽魷魚，重點係，炸野碟下都係冇乜油。


食完我都係2/3飽咋，但係BU已經飽飽啦﹗返到酒店我拎左個羅漢果黎煲，嘩，全間房都係羅漢果味﹗

好甜呀﹗好甜呀﹗又熱又甜，乾杯﹗
攰嚕﹗晚安﹗

 

 

 

 

 

 

。囍。嫁。v。婚紗禮服。。。在廣州婚紗街 (新人篇)

 

今次廣州婚紗街之旅除左買d用品仲有最重要的禮服。
件男禮o係bu 的單反下都美麗左。
全套包括：禮服外套 + 褲 + 恤衫 + 呔 + 馬甲 + 修改 = $6xx





而我就選左呢款花花禮服，香檳色底，白色花花面，再加錢改左做心型胸同長拖尾 = $4xx

都神經架﹗白色呢件係我o係匯美婚慶廣場果條小村先睇中試身，果間野好白，d禮服著上身好華麗好靚，佢開價齊地約4百，拖尾7百。
我心大心細，考慮左以下因素：
1. 因為要搵件似禮服又似婚紗仲唔洗裙撐的裙都唔係咁易，婚宴o係中午我又唔想閃令令，所以我一睇呢件就好like。
2. 我想要拖尾，bu就面色一沉，佢唔知d禮服係咁貴，7百蚊買條裙著1次佢幾乎想kill左我。
3. 中碼我上圍啱但腰太緊，大碼上圍太鬆，佢話叫我要大碼拖尾，後面係綁帶，可調鬆緊。
4. 拖尾有成一米幾長，佢話佢幫我搵師父改，唔收額外錢
5. 我知自己都成身腩肉，佢話佢幫我訂做，唔收額外錢




bu咁的面色，我唯有話諗諗先，果間野幾衰呀，勁叫我而家買件拖尾，收到貨想點改就點改，係咁叫我買。好在我都係有三分醒，唔好咁快決定。
之後上左匯美果個廣場仔，神經架，有幾間店都有得賣呢條裙，最後我問左間只有齊地o既店，佢開價3百，乜碼都有，西瓜紅呢件係大碼，原來大碼係大好多架，鬆左4吋出黎。老板娘幫我問左廠要拖尾只係4百，不過佢叫我訂造，返正唔洗加錢，之後我就問長又問短。
結果佢話：
1. 尺吋訂造唔洗加錢
2. 改心型胸加數十元
3. 長拖尾返左貨先好攞去裁縫度剪，寧願洗幾蚊好過益果塊半米長的拖尾比間廠
4. 佢話做好可以快遞黎hk比我

所以佢咁好人我都幫襯啦﹗不過廠果面個師父好忟憎，佢話我改左個心型胸要重新整過成件的style，今日收到老板娘電話，佢話師父話改左唔靚，所以冇整到，佢話唔mind就要左佢，退返d幾十比我，一係就要等過年後至有得拎。
天呀﹗好堅持啫﹗可惜我仲有時間等，唯有等啦﹗

。囍。嫁。v。婚紗禮服。。。在廣州婚紗街 (新人篇)

 

今次廣州婚紗街之旅除左買d用品仲有最重要的禮服。
件男禮o係bu 的單反下都美麗左。
全套包括：禮服外套 + 褲 + 恤衫 + 呔 + 馬甲 + 修改 = $6xx





而我就選左呢款花花禮服，香檳色底，白色花花面，再加錢改左做心型胸同長拖尾 = $4xx

都神經架﹗白色呢件係我o係匯美婚慶廣場果條小村先睇中試身，果間野好白，d禮服著上身好華麗好靚，佢開價齊地約4百，拖尾7百。
我心大心細，考慮左以下因素：
1. 因為要搵件似禮服又似婚紗仲唔洗裙撐的裙都唔係咁易，婚宴o係中午我又唔想閃令令，所以我一睇呢件就好like。
2. 我想要拖尾，bu就面色一沉，佢唔知d禮服係咁貴，7百蚊買條裙著1次佢幾乎想kill左我。
3. 中碼我上圍啱但腰太緊，大碼上圍太鬆，佢話叫我要大碼拖尾，後面係綁帶，可調鬆緊。
4. 拖尾有成一米幾長，佢話佢幫我搵師父改，唔收額外錢
5. 我知自己都成身腩肉，佢話佢幫我訂做，唔收額外錢




bu咁的面色，我唯有話諗諗先，果間野幾衰呀，勁叫我而家買件拖尾，收到貨想點改就點改，係咁叫我買。好在我都係有三分醒，唔好咁快決定。
之後上左匯美果個廣場仔，神經架，有幾間店都有得賣呢條裙，最後我問左間只有齊地o既店，佢開價3百，乜碼都有，西瓜紅呢件係大碼，原來大碼係大好多架，鬆左4吋出黎。老板娘幫我問左廠要拖尾只係4百，不過佢叫我訂造，返正唔洗加錢，之後我就問長又問短。
結果佢話：
1. 尺吋訂造唔洗加錢
2. 改心型胸加數十元
3. 長拖尾返左貨先好攞去裁縫度剪，寧願洗幾蚊好過益果塊半米長的拖尾比間廠
4. 佢話做好可以快遞黎hk比我

所以佢咁好人我都幫襯啦﹗不過廠果面個師父好忟憎，佢話我改左個心型胸要重新整過成件的style，今日收到老板娘電話，佢話師父話改左唔靚，所以冇整到，佢話唔mind就要左佢，退返d幾十比我，一係就要等過年後至有得拎。
天呀﹗好堅持啫﹗可惜我仲有時間等，唯有等啦﹗