又遇刁難人士~

忍了兩天，我還是忍不住要把我的遭遇寫下來。

人家說，顧客永遠是對的。即是明明錯的是他，但他來到你這裡，他不開心，也是你的錯。

我部份認同。

但當人在用免費的服務時，這還可以成立嗎？

從小老師父母都教我們，有權利有義務，有付出才有收獲，世上沒有免費的午餐。

在我們這種福利事務，為什麼總有人在取取取取取，而我們要捨捨捨捨拾呢？

 

早幾十年，在我還是小孩的時候，生病了到急症室，沒有人會埋怨輪候太久；在三更半夜召求護車、看醫生時，我們會向人連聲謝謝。殘疾人士、老年人在得到社會福利的幫助下，會感激政府福利；在獲發公屋後我們感謝房屋署，他日就算漏水、門框生锈也自己解決，從不怨人。但現在呢？急症室看病要快，慢了點就打罵醫護人員；傷風感冒也召救護車，連謝謝也沒一句；庇護工場、老人院是應分為人服務的，你做得不好，你不合我意，我就把你投訴至死方休。公屋呢？舊的不要、小房子不要、隔壁有狗也不要。

(尚未設定標題)

(未設定內容)

鬱悶的一天~

一年一度的薪火計劃來了，滿懷期待和希望接待來自北京、台灣清華大學和香港中文大學的大學生義工，怎料不論是情緒壞和天氣壞令極個行程都泡湯了。

 

 

德國遊 DAY 3 - 遊湖 男人島女人島

一早起來 check out了，用2€把行李寄存在火車站，然後到男人島和女人島。在火車站，我們一個去換車票，一個去買早餐。慕尼黑的消費頗高，一個有火腿的麵包大約3-4.5€，我用了3.3€來買了一個火腿芝士包和大大一起吃。我們先到了男人島，是一個只有皇宮的地方。這裡有些地方不可拍照，所以有些掃興。幸好皇宮都是一樣大、金、誇。不過這裡有些設計較特別，例如國皇特別愛美、皇宮内有一張枱可以由地下升上一樓用膳的地方。聽說建造者原意是在樓下建廚房，然後把煮好的菜升到一樓。不過後來因為沒有錢，連廚房也起不成了，餸菜由在另一間院子來煮，結果桌子也沒什麼用途了。

皇宮裡除了金色和紅色絨布外，就是國王最愛的藍色。其中有一間睡房，床尾有個像籃球般的藍色球。導賞員說是因為國皇喜歡每夜都看到月光，所以造出這個擺設。

我們沒有汽車也沒有單車，沿途步行也有HOUSE 陪伴，還有美艷的花朵

這是櫻花嗎？

又遇到了公眾假期，火車沒開，走在路軌上

遊玩了男人島，我們大約二時多便到了女人島，在船上吃了地道的午餐肉包2.5€當午餐。女人島是個小漁村，湖邊小屋隨處可見。各家各戶門前也有私人碼頭，有些停泊了小漁船、有些停泊了小遊艇。現在仍有一兩間還在賣醺魚三文治，所以我們也嚐一嚐。4€一個醺魚三文治味道有點像淡味的煙三文魚配蛋黃醬，雖然不算極美味，但比香腸或火腿餡料的輕盈。

在女人島悠閒地過了一個下午，然後到薩爾斯堡了。我們坐了一個小時火車便到了薩爾斯堡，在火車站的stars 超市買了些水和食物。這間超市很棒，什麼食物也有。我們買了火腿、芝士、青瓜、蕃茄和麵包，決定自己做外面賣四十元歐羅的三文治。另外，大大也發現了他喜歡的乳酪，所以一次過都買了。然後到了下榻的酒店，比早前的較清潔和美麗。在酒店職員介紹下，我們到一間地道維也納餐館吃晚餐。我們吃了炸雞翼和燉豬肉和喝士多啤梨汁，味道尚可。吃喝玩樂的一天，快樂地度過了。(女人島的相片還在處理中。。。會再上載)

德國遊 DAY 1 & 2 - 香港-慕尼黑

長途機睡得不太好。晚餐有燴牛仔肉和南瓜薯泥 ，甜酸雞肉飯，前菜是醃菜沙律和豬仔包 ，甜品是香蕉麵包布丁。 我喝了兩杯蕃茄汁，大大喝了橙汁，然後我還喝了茶。過了一會，他們還有餐酒，所以我們點了 bailey 。不過大大不愛喝，給了我，開心。 喝了酒，又看了激戰，終於睏了睡了。

忽睡忽醒來到清晨，往窗外看，有很多大星星，很美麗。然後腰酸了，走動到洗手間。放下一些然後又喝了一杯水，因為機艙太乾燥了。反覆幾次，來到早餐時間。早餐有芝士薯仔，煙肉菠菜和炒蛋，還有麵包仔和果醬。 這個早餐很好吃，尤其是芝士薯仔，加些黑椒變得很可口。

早餐後再看了華爾街之狼，就到了慕尼黑了。

到達後，我們在居民的幫忙下買了車票，便往酒店去。這裡和布拉格不同，這裡一張車票可以坐火車地鐵電車等，像遊客八達通般。另外，這裡坐車不會經常查票，基本上上車坐下就可以。

酒店在八時 check in, 我們放下行李後便到了芬寧宮參觀。皇宮都是大、金、誇，芬寧宮就是金光閃閃的地方。有些奇怪的是，在皇宮的走廊在每個房間裡面。即是要路過就要經過每個房間，而且他們都有門的，所以不知何解。

參觀後到了超市吃了面包和士多啤梨吉士餠，然後繼續回到城裡參觀。門票是以聯票形式發售，所以可以在各個館通行無阻，然後我們再看了幾個館便回酒店了。

我們在一間薄餅店晚餐，點了一個巴馬臣芝士火腿芝麻菜薄餅和一個芝士蘑菇汁貝殼粉當晚餐，還點了一杯啤酒一起喝。薄餅很好吃，因為它很薄，可以整片捲起來吃。至於啤酒，味濃丶酒精高，所以喝了幾口就有醉意了。

回到酒店大家都醉醺醺了，伏在床上動也不動。就這樣過了一晚。

萬聖節大食餐

萬聖節大餐!!!!!

其實我都唔知有咩野食係有萬聖節氣氛。。。一諗到的只有南瓜湯﹗

一邊返工一邊諗，到底南瓜湯係咪整熟後BLEND左佢就得？原來唔係囉﹗

結果我睇完幾段製作短片後，我的決定係。。。

買金寶$13.9一包就算了﹗

為左令佢大件夾抵食一點，我加左一磚滑豆腐﹗

首先要煮熱左包湯，豆腐要加鹽。

然後用熱水沖走啲鹽，再加熱湯，再叮叮，得左﹗

估唔到呢個湯係偏甜，加左用鹽醃過的豆腐，剛好﹗個口感又RICH左﹗GOOD!

然後大食的我再整左香草煎羊架同煙肉魚柳卷

香草煎羊架

材料：

急凍羊扒     5件

香草、黑椒、魚露適量

麻油            少許

做法：

1. 羊扒解凍，下香草、黑椒、魚露醃

2. 10分鐘後再下麻油醃

3. 煎

煙肉魚柳卷

材料：

龍脷魚柳      1片

煙肉              2片

黑椒和鹽       少許

做法：

1. 魚柳打十字一開四，下調味醃

2. 煙肉一條開2

3. 捲

4. 煎

M。U。I 式午餐

今日中午整左一個好HEA，好常餐的LUNCH。

今朝好忙碌，分別下種左四九菜心、小白菜、生菜、仲有波絲菊，希望佢地快高長大﹗
然後再睇左十幾集今日說法，滿腦子都係殺人的情節﹗真係估唔到有啲人會因為一時氣憤、一時貪念而殺人﹗相反，一啲我地以為當時人貪情、因愛成恨的案件，背後竟然有感人又真實的事實，感嘆呀﹗

再然後係咁睇淘寶，睇我想要的淡水珍珠。

所以，午餐只可即食﹗

真係冇得頂，完全不可能難食的食物。
煎旦2隻，茄汁豆，J牌腸，仲有2個人SHARE 了一碟蘑菇意粉，爽呀﹗

PS隻旦的旦黃攪到咁係因為我放左粗鹽，再次要用返幼鹽會好看些﹗

Choco Bakery的OPERA 班

10月4日去了CHOCO BAKERY上蛋糕班，係團購野黎，用左$138蚊整左一個OPERA!!!!

真係好喜歡咁重口味的朱古力味，加埋咖啡奶油，真係好味到呢~

第一步老師教整海綿蛋糕，不過只係用人試下整咋﹗佢地一早做好左啲海綿蛋糕，因為佢話通常學生第一次整都整到「喎」左，切唔到四片之餘仲會焗左啲有問題的蛋糕出黎﹗

然後教切開四片的技巧、再教打奶油、再自己唧，再整個朱古力牌仔﹗

上左成3個鐘，整完原來唔可以即刻食，要雪一晚﹗不過我地忍唔住，11點幾就食左佢一小部分﹗好味呀﹗

水蘿蔔收成嚕﹗

今晚新聞講九寨溝迫爆人，令我想起我地去九寨溝果陣喺景區投棧。果時個老板用左水蘿蔔黎做泡菜比我地食，因為太好食，返到黎香港就發左癲地找水蘿蔔的種子，希望自己整返呢個泡菜。

第一次種連條根都生唔到，今次3棵有1棵成事，不過係嚴重營養不良同埋水土有問題，所以生出黎個樣除左衰之餘，仲好侏儒。

又一次失敗﹗唔緊要，再努力﹗

種辣椒的近況和收成﹗

唔經唔覺又種左幾個月，唔經唔覺又有收成。
上一LOG 收成左6-8隻左右，好開心呀﹗

新一輪又黎了，棵辣椒樹分個四個主要的樹椏，都是在頂端開花生椒。
今次每個頂端都有3-4隻，加油﹗

今日，嘻嘻，我地打邊爐用左啲辣椒﹗不過咁多隻用唔晒，一人分一隻返屋企種﹗

搬家成功﹗

花左一個下午終於搬到家了﹗
不過唔知點解啲圖爆晒出黎。


不過都好過冇啦>.<

試下UPLOAD 一張新圖睇下會唔會爆先﹗
介紹一下，呢個係白汁西蘭花煙肉意粉

石竹康乃馨

真分不清，呢張係我啲花花的遺照﹗
因為轉左盤，方法可能錯了﹗佢地死了﹗

辣椒樹長出辣椒了

近來棵辣椒樹終於長左啲辣椒出黎﹗好開心呀﹗

之前種過唔成功，通常都係因為去完旅行之後晒死左，一係就落雨浸死。
不過今年冇去旅行，所以佢地好乖地開花結果。

我呢啲係指天椒，長左出黎好耐都未變紅色，好期待呀﹗

攪唔到啲想變方向TIM

有收成嚕~芥蘭生菜

種左2個月左右，終於有收成，不過質量呢就麻麻。。。
主要原因係地方太細同埋天氣keep住都係落雨同冇陽光，所以生長得不太美。

我已經食左佢地，不過真係超及硬呀啲芥蘭，不能吃呢﹗

呢棵最強壯

啲菜有多啲光，呢個膠飯盒生菜長得咁大，而另外用深色長花盆果啲就細到食唔到。






合家歡。

康乃馨 - 石竹

好大件事﹗

 

我大約種左四個月的康乃馨，唔知點解開左花出黎，好似石竹咁的樣子﹗

基本上我除左掉種子入去種，都冇乜點打理佢，所以佢生長得奇慢，比正常開花的時間delay左好多，但係佢都唔洗變埋種。
真係好odd啊﹗

我又轉工啦﹗何苦呢？

命運同緣份呢樣野真係好奇妙，人總係覺得隔離飯香﹗
之前因為覺得機構的文化同發展方向好harsh同埋同我的理念有好大差異，帶黎左好多壓力同埋不開心，所以早一排好努力咁搵新工。

兜兜轉轉見左2份工，竟然第一份in的工隔左幾個月之後再contact 我，話有一個好近我屋企的offer 比我。
考慮到呢個機構可以每年加人工，工作時間又穩定，諗左個幾星期，終於都決定接受個offer。

不過去到原來係又一個新的世界，又同我之前做過的工作完全不同，心裡面真好難受。
畢左業幾年，去到又好似freshgrad一定，乜都唔識，經驗又用唔著，啲人又唔係咁好，機構規矩又多，真係想問一句，點做啊﹗

打從佢規定左唔比著牛仔褲，不比用手機，唔可以私用電腦同埋要食中心啲難食飯，我心裡就好想逃出呢個鬼地方。

不過今次我真係好認真咁反省自己，到底我係唔想接受、唔想學新野，定係我真係無法再喺呢一行工作。結論係，三者都有，一切只因能力和自尊問題。

我資質平庸就人所皆知，我自問我真係覺得自己學到呢到已經盡晒力，再落去會好痛苦，因為就算比我繼續喺度，我都只係習慣左，而唔係做得開心。至於自尊問題，我都幾驚人地覺得我無能，因為我自己都真係無能，做一兩年唔覺眼，但做多幾年就知道，我跟本進步唔到，與其比人話，我寧願摺埋。

而家反工真係好辛苦，不過我已經唔想諗以前有幾開心。因為以前的開心都係因為每日返工有我想見的朋友，有幫我解決難題的同事，有啲能力比我更低的同事黎墊底。呢啲野全部都係外在的，不是我的，而我有的，只係一個不思進取，想休閒過日子的自己。

我睇唔到自己條路要點行，我不斷問自己，人地話天生有才必有用，但係我的才能在哪呢？
我真係搵唔到啊，又點繼續向前行？要點先可以找到自己的路呢？

芒果椰汁糯米飯

星期日去左琼姐私房泰菜度食晚飯，佢果個芒果糯米飯好特別，除左椰汁香同甜之外，仲有咸香的味道。
諗黎諗去都諗唔到佢用左咩香料。。。所以都係整唔到果個味。

不過唔緊要，我呢個都好香甜。

材料：

糯米     1碗
班蘭葉 2片
椰漿粉 1包
糖         隨口味
芒果    2個
鹽         少許


步驟：
1. 糯米浸2小時，加入斑蘭葉隔水蒸15分鐘至熟
2. 椰漿粉加入200ML 水，加糖煮滾
3. 將糯米飯取水放涼10分鐘，加入已煮好的50ml左右的椰漿，少少鹽拌勻
4. 放芒果上去，淋上椰漿，得左

魚片炒芽菜

收採左自己種的芽菜，煮左呢味餸。
自己種，需要有出去買咁好食，但係勝在唔會煮到一鑊水同埋夠CLEAN

材料：
魚片    一條
芽菜
蔥

步驟：
炒埋一碟

自己種芽菜DIY

以下就係我自己種的芽菜，真係好似芽菜呀﹗

用左大半飯碗綠豆，就種左一大盤芽菜

我睇左好多BLOGGERS的種植方法，開頭果四日我都將佢地迫埋喺一個好狹小的空間，所以佢係生長得好肥。
不過出現左一啲問題。佢地唔似出面買果啲芽菜咁直，因為冇位生，個個都周圍搵地方生長，所以唔直。另外就係空氣唔夠，佢地好似博命生根出黎吸氣，有啲生成幾條狠。

最後，我決定比佢地自己生，拎走左個蓋，只用濕毛巾蓋住。
結果，佢地迅速BILL 高，但係就幼左好多。

第八日，我見佢地長得七七八八，所以收左黎食了。

照顧芽菜，一定要有個好暗的空間，只要有啲光就會有光合作用，啲芽菜會變色
照顧芽菜，每日一定要沖水2次，咁樣先夠濕。
照顧芽菜，如果找到一個有蓋的容器，而個容量要似筲箕咁可以透風和滴水，咁樣先唔會霉

豆瓣醬豆腐

撈飯之選

材料：

豆腐     2件 (軟)
肉碎     10蚊

步驟：
1, 肉碎調味醃15分鐘
2. 下油鑊炒出香味，加入豆瓣醬及水
3. 豆腐預先切件及撒上鹽備用''
4. 放至醬料中，輕手拌勻
5. 加蔥和少量麻油