橄菜肉碎豆

在惠康可以買到攪碎的水展，好方便，又不會很肥。



材料：
豆    半包
肉碎  10蚊
橄菜  1茶匙

完成基本肉的調味，備用
油燒熱，爆炒豆豆，盛起備用
加入蒜茸，爆香，再加入肉碎炒至七成熟。
加埋豆豆一起炒，再加入橄菜，得左

蒜茸炒蝦

買左20蚊HELL了的海中蝦，炒了給BUBU吃


材料：
薑      4片
蒜茸  3頭
蝦      10隻8隻

1. 熱左個鑊，加油，爆香薑片蒜茸
2. 加埋啲蝦去炒

好香呀。不過炒熟左好細碟，都係要慳住食

蕃茄蛋面

買左熟蕃茄，又買左新蛋，可以整蕃茄蛋，要黎撈面。


材料：
蕃茄       3個
蛋           4隻
蒜頭和蔥頭    5-6瓣
薑片       2片

步驟：
1. 炒蛋至8成熟，盛起
2. 下油爆香蒜頭和蔥頭，下蕃茄炒
3. 加入甜和少許鹽、魚露
4. 加入蛋，如不夠味，加些少茄汁
5. 得左

紅豆朱古力涼粉

呢個就係我自己煮的紅豆，用多左冰糖，好甜，但係入晒味，好味呀﹗

材料：

天津紅豆      1斤
冰糖             半包

紅豆浸過一晚水，煮半小時，加入冰糖，煮溶。
焗到淋為止

忘記了安床

今次大檸樂，我唔記得左要安床呢件事。

今日星期五，安床下一個吉日就係我大婚當日，點算好？
可唔可以自己鋪左就算？

有朋友話不如LALA聲叫媽媽鋪左佢，但係佢一把年紀叫佢行上六樓層樓，又要過海又要攀山涉水。
點好呀？


救命救命﹗

忘記了安床

今次大檸樂，我唔記得左要安床呢件事。

今日星期五，安床下一個吉日就係我大婚當日，點算好？
可唔可以自己鋪左就算？

有朋友話不如LALA聲叫媽媽鋪左佢，但係佢一把年紀叫佢行上六樓層樓，又要過海又要攀山涉水。
點好呀？


救命救命﹗

倒數4天的心情

黎到倒數的階般。
仲有四日，個個黎問我心情如何。

講真，我而家真係十級煩燥，同埋有強烈焦慮的感覺。
我唔鍾意做主角，我唔想面對呢一日

連住呢幾個星期陸陸續續有啲煩野，仲要出自己一啲好友的身上，實在令我太煩。
黎到仲有個幾星期，竟然而家有姐妹提出要化妝的要求、然後99又話要租褂、然後約極都約唔到D人黎開會、然後又有賓客(仲係好好朋友鐵腳果種)放飛機話唔黎。

我真係從心發出一句
「我頂」

當中最令我唔開心係有D 好友答應左又唔黎，果啲仲係BUBU小時候的好友黎。
係好熟好FD好親果種，竟然話要突然決定要去旅行，唔黎。

呢個係我張帖，靚靚

當時BUBU都未識得唔開心同無奈
但係佢再CONFIRM該好友果陣，個好友仲同佢分享自己臨時臨急搵人去旅行，又好難買機票又好難約人，重點係，佢連一句話之後再約食飯的說話都冇。
簡單講，呢個人真係一D唔好意思的感覺都冇。
而且的係，佢的目的係要清假期，即使佢知道佢已答應左佢假期中有一天要去飲，佢都唔會因為咁而就一就個行程。

我真心覺得結婚呢D 野，你答應左人就要去，除非真係有其他好重要的事要做。
連帖佢都收左，先話唔去，似乎太唔尊重囉，廿年的老友。