又一份新工，今次情緒比之前平靜左好多。
我終於明白點解人地話要出外面見識下。原來過去3年，我都只係依戀住自己呢條小村莊，個個同事同我思想o既大框框差不多，所以大家一直都係冇咩進步。幸福o既係受眾同我地一起過左好多日子，所以大家都好平穩。
轉左一份又一份的新工，靜來黎至睇到，原本我地呢住機構應該係咁樣服務。睇到人地點執行點服務人，我真係有d慚愧，原來我活生生磋跎左我自己同埋我d clt 3年光陰。
照常理我心裡面而家應該係有團火，好想做好反d事，不過我反而好想退落黎。一來，我想成親之後安定落黎，將多d時間放在家庭身上；二來，我覺得我承受壓力o既容量已經不能再expand了。就呢2個原因，我都有問bubu到底可唔可以結婚之後轉份part time。不過，佢又反問返我，乜轉左part time真係會輕鬆左咩？﹗
佢又好似啱啱地。我地做呢d以人為本o既行業，幾時會冇壓力冇責任？只係差在多與少啫。我以前果份就叫壓力及責任的low level，我都已經覺得saturated。哈，怪得知幾年都冇人工加﹗可能我真係早到左，如果命運安排我而家至搵到呢份，我諗我就會從此幸福快樂咁生活落去﹗不過佢o既回應某程度都反映緊佢計劃未來幾年置業都預埋我出一半，如果我真係收入少左，呢個計劃又要推遲。
返左工頭一個星期，每日又反覆覺得好困擾，好想放棄而家呢個專業。可惜o既係，有d 專業係好難轉到工，點解當初我咁揀呢？又是誰在推動那命運的齒輪？
