香煎檸汁三文魚。黑椒龍脷柳

食米唔知米貴。
平時在家中成日都會食三文魚扒，我媽媽成日整黎比我地食，仲係一碟有成三四塊，大大件。
我以為好抵食，我就去左佳寶買啦。
36蚊一磅，好啦，買2塊，應該食到2餐。
SHXT，40蚊。。。

以下呢個係廿蚊一塊的三文魚扒，香煎檸汁三文魚扒


用鹽醃10分鐘，沖水，抹乾。
我用平底鑊加少少油，乾煎。
三文魚有好多魚油，會彈到周圍係，好在有鑊蓋，蓋住就可以加快佢熟同埋唔好周圍彈﹗
食前再加檸檬汁，正﹗

以下呢個係黑椒龍脷柳
龍脷柳真係好水的魚，煎完細左三分一。
就咁用鹽同黑椒醃，都OK好食啦。