姊妹裙回來了﹗

姊妹裙返黎了﹗
抱歉要我老豆用一個豬肉榮的look來拎起條裙比我影相。

今次整呢條裙真係令我又哭又笑﹗
下面紫色蝴蝶結粗腰帶係原裝設計黎，我早前o係廣州試過類似款覺得ok，再o係淘寶訂左一條返的睇下質素。
原裝係
白色鍛面、約4吋闊紫色腰帶和蝴蝶結
我加了錢改為
米白色緞面、4cm闊桃紅色腰帶和改細一倍蝴蝶結

我總共5位姊妹。訂左一條米白色桃紅腰帶做trial，發現
個4吋腰帶真係闊到好似腰封咁，所以改成4cm，而個桃紅色唔係我想要果種，所以再改。

結果第二批返黎呢d好好，就係下第一條。不過好on居的係，我訂4條裙，佢冇按我要求做細到個蝴蝶，同埋其中有一條佢冇啦啦做左紫色粗腰帶。
點解會咁架？有冇人可以解釋我知？錯得好出奇﹗我收到果時忍唔住shxt左一聲﹗
又再同佢deal 一deal，原先諗住send 返過去叫佢改，算啦﹗send 黎send 去大家都洗錢。
再次叫佢淨做個腰帶同蝴蝶結比我，我自己改好過﹗

真的有啲不高興﹗因為我都已經加錢訂造，咁樣都可以錯﹗好在佢都好爽快咁話幫我整返d蝴蝶。
算算算﹗嬲都冇用，因為呢間佢做出黎啲手工真係仲好過香港訂造，條拉鍊都好堅固，size又準，比起我o係廣州試果條的布料仲厚d。
攪咁多野計返做香港錢都係110蚊一條以下，仲想點？
ps其實如果唔係咁多要求，買現貨白色裙紫色腰帶未計運費都係65蚊人仔一條，有咁的質素，真係好值。


以下係姊妹試著，我唔小心寫大左佢腰圍，攪到有少少鬆，但係上圍真係好fit。