建議買茶具呢d 東西要仔細check。
我地o係叫立興果間店睇左成5、6套，左砌右砌至砌到一套相對地比較完美的茶具。
佢有d 杯可以印甩左d色、或者有個不知名的「烘」、又或者本來已崩左，所以真係要睇真d。
同場加映
買左5個利是封，特大呀﹗ $2/個
包羅萬有 x 2 = 成有過大禮的東西用利是代替
禮金大利是 x 1 = 比父母的禮金
囍 x 1 = 應該係回返比男家的
囍 (菱形) x 1 = 開門利是
交通資料：
在羅湖火車站西廣場步行前往建設路，有18路巴士$2直達筍崗倉庫。
事後感：
um。。。要認真諗下自己係咩style。。有人會一次過買晒要用的東西，有一大張list。我自己覺得咁樣會執多左好多根本不必要的東西，不過咁樣就萬無一失。
不過我同bu 都係hea爆同埋一d野都唔想浪費 同浪費錢錢，所以我寧願行多幾轉。
誠意推介：
如果都好似我咁慢吞吞食雲吞，買野要分幾百次或者打算上大陸買好多結婚野，好應該出返張「深圳通」，坐巴士地鐵都可以嘟，唔洗係搵d零錢比車費，又唔洗排隊買地鐵token。
